صينية الجلاش باللحمةالمفرومة

صينية الجلاش باللحمةالمفرومة
اول شئ تعصجى اللحمة يعنى تحطيها على النار مع البصل المفروم والسمنة وقليل من الثوم ولو عندك حبه فلفل

وبعدين تجيبى صينيه مناسبة وتدهنيها زيت وتفردى فيها الجلاش حوالى خمس طبقات فوق بعض او حسب الكميه اللى عندك

ثم تضعى اللحمة وبعدين نفس عدد طبقات الجلاش اللى حطتيها تحت اللحمه
وتكونى انتى مجهزه على النار شويه سمنة وتقدحيهم خالص ولما تحطى اخر طبقة جلاش وتقطعيه تحطى السمنه عليه وتحطيه فى الفرن لمده ربع ساعة

وبعدين تحضرى كوب لبن وتخلطى عليها بيضه ولما تعدى ربع الساعة تطلعيها وتحطى كوب اللبن عليها وتحطيها تانى فى الفرن وبعد ثلث ساعة تشوفيها وتاخدى بالك لما الوش يحمر

والف هنا