رسم الزمان

كتب الزمن حكايتى عالجدران
و حط فيها لمستو .. و لونها بالالوان
بدأ يكتب فى حكاية انسان
كان فى حياتو غلبان
و فى دنيتو تعبان
كتب الزمن قصة واحد مهزوم
عمره ما كان حاكم
عايش حياتو دايما محكوم
عاش حلم من البداية مهدوم
انسان عايش طول حياته موهوم
بدأ الزمن يرسم فى مشواره الطويل
و فى وسط الرسم لقى حلم جميل
جه للانسان فى وسط اليل
بس الانسان مكملش السبيل
و ساب الحلم راح لبعيد
رجع الزمن يرسم من جديد
لقى فى الحياة ايام كتير
لبس فيها الانسان الحرير
لكن غلط غلط كبير
عشانو قلع الحرير
و فى وسط حياته سرح الزمان
و قابل كتير افراح و احزان
لقى الزمان فى حياة الانسان
صاحب خاين و التانى امين
و شاف كمان الانسان
شوية مش هامو و شوية قاتلو الحنين
احتار الزمن فى تفكير الانسان الغريب
و فكر ازاى ضيع من ايدو اغلى حبيب
و ازاى هانت عليه عشرة قريب
اتعجب اوى الزمان و عرف طبع الانسان
عرف انه خاين ملوش امان
و حس انه نسى معنى الحنان
حزن اوى الزمان على حال الانسان
و فكر يخرجو من التوهة
بس ملقاش الزمن حل
و قرر يقطع اللوحة